കൊച്ചി: 90,000 കടന്ന സ്വര്ണവിലയില് ഇന്ന് നേരിയ ഇടിവ്. പവന് 200 രൂപയാണ് കുറഞ്ഞത്. 90,200 രൂപയാണ് പുതിയ സ്വര്ണവില.
ഇന്നലെയാണ് രണ്ടു തവണകളിലായി 1320 രൂപ വര്ധിച്ച് വീണ്ടും 90000 കടന്നത്. ഇന്ന് ഗ്രാമിന് ആനുപാതികമായി 25 രൂപയാണ് കുറഞ്ഞത്. 11,275 രൂപയാണ് ഒരു ഗ്രാം സ്വര്ണത്തിന്റെ വില.
ഒരിടവേളയ്ക്ക് ശേഷം ഒക്ടോബര് 28നാണ് സ്വര്ണവില ആദ്യമായി 90,000ല് താഴെയെത്തിയത്. എന്നാല് ഇന്നലെ ആയിരത്തിലധികം രൂപ വര്ധിച്ചതോടെ സ്വര്ണവില വീണ്ടും 90,000 കടക്കുകയായിരുന്നു. അമേരിക്കയില് സാമ്പത്തിക രംഗത്ത് നിലനില്ക്കുന്ന അനിശ്ചിതത്വം അടക്കമുള്ള വിഷയങ്ങളാണ് അന്താരാഷ്ട്ര വിപണിയില് സ്വര്ണവിലയെ സ്വാധീനിക്കുന്നത്. അന്താരാഷ്ട്ര വിപണിയില് സ്വര്ണവിലയില് ഉണ്ടാകുന്ന ചലനങ്ങള് ഇന്ത്യന് വിപണിയിലും പ്രതിഫലിക്കുന്നതാണ് വില വര്ധനയ്ക്ക് കാരണം.