പെര്‍ത്ത്: ഓസ്‌ട്രേലിയന്‍ പര്യടനത്തില്‍ രണ്ടാം ടെസ്റ്റില്‍ ഓസ്‌ട്രേലിയക്കെതിരെ ഇന്ത്യക്ക് 287 റണ്‍സ് വിജയലക്ഷ്യം. രണ്ടാം ഇന്നിങ്‌സില്‍ ഓസ്‌ട്രേലിയയെ 243 റണ്‍സിന് ഇന്ത്യ പുറത്താക്കി. എന്നാല്‍ മറുപടി ബാറ്റിങിന് ഇറങ്ങിയ ഇന്ത്‌യയ്ക്ക് തുടക്കം തന്നെ പാളിയിരിക്കുകയാണ്.
നേരത്തെ, ഷമിയുടെ മൂര്‍ച്ചയേറിയ ബോളിങ് മികവിലാണ് ഇന്ത്യ ഓസ്‌ട്രേലിയയെ 243 റണ്‍സില്‍ പിടിച്ചുകെട്ടിയത്. 24 ഓവറില്‍ 56 റണ്‍സ് വഴങ്ങി ഷമി ആറു വിക്കറ്റെടുത്തു. 53 റണ്‍സെടുക്കുന്നതിനിടയില്‍ ഓസീസിന് ശേഷിക്കുന്ന ആറു വിക്കറ്റ് നഷ്ടമാവുകയായിരുന്നു. ബൂംറ മൂന്ന് വിക്കറ്റ് വീഴ്ത്തി. ഒരു വിക്കറ്റ് ഇഷാന്ത് ശര്‍മ്മയുടെ വകയായിരുന്നു.
മറുപടി ബാറ്റിങ്ങിനിറങ്ങിയ ഇന്ത്യക്ക് രണ്ട് വിക്കറ്റ് നഷ്ടമായി. ഒടുവില്‍ വിവരം കിട്ടുമ്പോള്‍ ഇന്ത്യ 2 വിക്കറ്റ് നഷ്ടത്തില്‍ 41 റണ്‍സ് എടുത്തിട്ടുണ്ട്.