കളഞ്ഞുകിട്ടിയ തുക സത്യസന്ധമായി പോലീസില്‍ ഏല്‍പിച്ച പ്രവാസി യുവാവിനെ ആദരിച്ച് ദുബായ് പോലീസ്. കെട്ടിടത്തിന്റെ ലിഫ്റ്റില്‍ നിന്ന് കളഞ്ഞുകിട്ടിയ രണ്ടു കോടിയിലേറെ രൂപയാണ് ഇന്ത്യക്കാരനായ താരിഖ് മഹ്‌മൂദ് ഖാലിദ് മഹ്‌മൂദ് പോലീസില്‍ ഏല്‍പിച്ചത്.
അല്‍ ബര്‍ഷയില്‍ താമസിക്കുന്ന താരിഖ് മഹ്‌മൂദ് ഖാലിദ് മഹ്‌മൂദിനാണ് താമസിക്കുന്ന കെട്ടിടത്തില്‍ നിന്ന് 10 ലക്ഷം ദിര്‍ഹംലഭിച്ചത്. യുവാവിനെ ഉന്നത പോലീസ് ഉദ്യോഗസ്ഥരുടെ നേതൃത്വത്തില്‍ ആദരിച്ചു.ലഭിച്ചത്. യുവാവിനെ ഉന്നത പോലീസ് ഉദ്യോഗസ്ഥരുടെ നേതൃത്വത്തില്‍ ആദരിച്ചു.
ഉടന്‍ തന്നെ ഇദ്ദേഹം സ്റ്റേഷനിലെത്തി തുക കൈമാറിയതായി അല്‍ ബര്‍ഷ പോലീസ് സ്റ്റേഷന്‍ ഡയറക്ടര്‍ ബ്രി. അബ്ദുല്‍ റഹീം ബിന്‍ ഷാഫി പറഞ്ഞു. താരിഖിന്റെ സത്യസന്ധത സമൂഹത്തിന്റെ മഹത്തായ മൂല്യങ്ങളെ പ്രതിനിധീകരിക്കുന്നുവെന്ന് പോലീസ് പറഞ്ഞു. ബ്രി. ബിന്‍ ഷാഫി താരിഖിന് പ്രശംസാപത്രം നല്‍കി ആദരിച്ചു. സമൂഹവും പൊലീസും തമ്മിലുള്ള സഹകരണത്തിന്റെ പ്രാധാന്യം അദ്ദേഹം ഊന്നിപ്പറഞ്ഞു.
ഇതുപോലെ, നഷ്ടപ്പെട്ട പണമോ വിലപിടിപ്പുള്ള വസ്തുക്കളോ കൈമാറുന്ന സത്യസന്ധരായ വ്യക്തികളെ ദുബായ് പോലീസ് ആദരിക്കാറുണ്ട്. ഈ വര്‍ഷം ഇതുപോലെ ഒട്ടേറെ സംഭവങ്ങള്‍ ഉണ്ടായിട്ടുണ്ട്. ഫിലിപ്പീന്‍സില്‍ നിന്നുള്ള അഞ്ചു വയസുകാരന്‍ നൈജല്‍ നേര്‍സ് ഖിസൈസില്‍ നിന്ന് കണ്ടെത്തിയ 4,000 ദിര്‍ഹം അടുത്തിടെ പോലീസിന് കൈമാറിയിരുന്നു.