വാഷിങ്ടണ്‍: ചൊവ്വയില്‍ സ്വര്‍ണത്തേക്കാള്‍ തിളക്കമുള്ള വസ്തു കണ്ടെത്തി. നാസയുടെ പേടകം ക്യൂരിയോസിറ്റി റോവറാണ് ചൊവ്വയില്‍ തിളങ്ങുന്ന ‘ഗോള്‍ഡണ്‍’ പാറ കണ്ടെത്തിയത്. റോവര്‍ അയച്ച ചിത്രം സൂം ചെയ്തപ്പോഴാണ് തിളക്കമുള്ള വിചിത്ര വസ്തു കണ്ടത്. ഇത് സംബന്ധിച്ച് കൂടുതല്‍ ചിത്രങ്ങള്‍ കണ്ടെത്താനും ലഭിച്ച ചിത്രത്തെ കുറിച്ച് പഠിക്കാനുമാണ് ഗവേഷകരുടെ നീക്കം.
‘ലിറ്റില്‍ കൊളോനസി’ എന്നാണ് നാസ ഗവേഷകര്‍ ഈ പാറക്കഷ്ണത്തിന് പേരിട്ടിരിക്കുന്നത്. ഇതിന്റെ ക്ലോസ് അപ് ചിത്രങ്ങള്‍ ലഭ്യമാക്കാനുള്ള ശ്രമം നടക്കുന്നുണ്ട്. അതേസമയം അതൊരു ഉല്‍ക്കാശില ആകാനാണ് സാധ്യതയെന്നും ഇതിനാലാണ് വിചിത്ര തിളക്കമെന്നും നാസ ഗവേഷകര്‍ പറഞ്ഞു.
എന്നാല്‍ ആ സ്ഥലത്തിന്റെ ചിത്രം പകര്‍ത്താനുള്ള റോവറിന്റെ രണ്ടാം ശ്രമം പരാജയപ്പെട്ടു. വിചിത്ര വസ്തുവിന്റെ ക്ലോസ് അപ് ചിത്രം പകര്‍ത്താനുള്ള ശ്രമം തുടരുകയാണ്.