തിരുവനന്തപുരം: സംസ്ഥാനത്ത് 2024-25 ല് ബാല വിവാഹങ്ങള് വര്ധിച്ചതായി റിപ്പോര്ട്ട്. ജനുവരി 15 വരെ 18 ശൈശവ വിവാഹങ്ങള് നടന്നിട്ടുണ്ട്. വനിതാ ശിശു വികസന വകുപ്പിന്റെ കണക്കുകളാണ് ഇക്കാര്യം വ്യക്തമാക്കുന്നത്.
2023-24ല് 14 ഉം 2022-23 ല് 12 ആയിരുന്നു കണക്ക്. ശൈശവ വിവാഹങ്ങളെ പ്രതിരോധിക്കുന്നതിലും കുറവ് വന്നതായി കണക്കുകൾ വ്യക്തമാക്കുന്നു. ഈ വര്ഷം കൂടുതല് ശൈശവ വിവാഹം നടന്നത് തൃശൂരാണ്.
ഈ വര്ഷം റിപ്പോർട്ട് ചെയ്ത 18 കേസുകളില് 10 ഉം തൃശൂരാണ്.മലപ്പുറത്ത് മൂന്ന് ബാലവിവാഹങ്ങളും പാലക്കാട് രണ്ട് കേസുകളുമാണ് റിപ്പോര്ട്ട് ചെയ്തത്. തിരുവനന്തപുരം, ആലപ്പുഴ, വയനാട് എന്നിവിടങ്ങളില് ഓരോ കേസുകളും റിപ്പോര്ട്ട് ചെയ്തു.
2022-23 ല് 108 ബാലവിവാഹങ്ങള് ഔദ്യോഗികമായി തടഞ്ഞിരുന്നു. 2023-24ല് ഇത് 52 ആയും 2024 ഏപ്രിലിനും 2025 ജനുവരിക്കും ഇടയില് 48 ആയും കുറഞ്ഞു.