നിലമ്പൂര്: സര്വീസിനിടയില് ടൂറിസ്റ്റ് ബസ്സില് ഡ്രൈവര് മദ്യപിച്ച് ബോധം കെട്ടു. വഴിക്കടവ് – ബെംഗളൂരു രാത്രികാല ടൂറിസ്റ്റ് ബസിലെ ഡ്രൈവറാണ് മദ്യപിച്ച് ബോധം കെട്ടത്. ഇതോടെ അഞ്ച് മണിക്കൂറോളമാണ് യാത്രക്കാര് തിരുനെല്ലിയില് കുടുങ്ങിയത്.
പിന്നാലെ തിരുനെല്ലി പൊലീസ് എത്തി ഡ്രൈവറെ കസ്റ്റഡിയിലെടുത്തു. താത്കാലിക ഡ്രൈവറാണ് ബസ് ഓടിച്ചിരുന്നത് എന്നായിരുന്നു ട്രാവല് ഏജന്സിയുടെ വിശദീകരണം. പൊലീസ് വിളിച്ചപ്പോഴാണ് വിവരം അറിഞ്ഞതെന്നും ട്രാവല് ഏജന്സി വ്യക്തമാക്കിയിരുന്നു. ഓഗസ്റ്റ് 31 നായിരുന്നു സംഭവം. ഇതിന്റെ ദൃശ്യങ്ങള് പുറത്തുവന്നു.