ഓട്ടോ ഇടിച്ച് തലക്ക് ഗുരുതര പരിക്ക്, പൊലീസുകാരന് ദാരുണാന്ത്യം

പത്തനംതിട്ട: പത്തനംതിട്ടയിൽ വാഹനാപകടത്തിൽ പരിക്കേറ്റു ചികിത്സയിലിരുന്ന പൊലീസുകാരൻ മരിച്ചു. തിരുവല്ല സ്റ്റേഷനിലെ സീനിയർ സിവിൽ പൊലീസ് ഓഫീസർ മനോജ് കുമാർ ആണ് മരിച്ചത്.

46 വയസ്സായിരുന്നു. ചെങ്ങന്നൂർ പുന്തല സ്വദേശിയാണ് മരിച്ച മനോജ് കുമാർ. മുളക്കുഴയിൽ വച്ച് ഓട്ടോറിക്ഷ ഇടിച്ചു താഴെ വീണ മനോജിന്റെ തലയിൽ എതിരെ വന്ന ബൈക്ക് ഇടിക്കുകയായിരുന്നു.

ഒന്നാം തിയ്യതിയാണ് അപകടം സംഭവിച്ചത്. ഗുരുതരമായി പരിക്കേൽക്കുകയായിരുന്നു. ​ഗുരുതരമായി പരിക്കേറ്റ മനോജിനെ ഉടൻ തന്നെ ആശുപത്രിയിലെത്തിച്ചിരുന്നു.

പിന്നീട് കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരിച്ചത്.