തിരുവനന്തപുരം: അധ്യാപകർ പരീക്ഷ ഹാളില്‍ മൊബൈൽ ഫോൺ ഉപയോഗിക്കുന്നതിന് പൊതുവിദ്യാഭ്യാസ വകുപ്പ് വിലക്കേർപ്പെടുത്തി. പരീക്ഷ ക്രമക്കേട് തടയാനാണ് പുതിയ നടപടി.
പൊതുവിദ്യാഭ്യാസ ഡയറക്ടറാണ് ഉത്തരവ് പുറപ്പെടുവിച്ചത്. അധ്യാപകർ ഫോണ്‍ സ്വിച്ച്ഡ് ഓഫ് ചെയ്താലും പരീക്ഷ ഹാളില്‍ അനുവദിക്കില്ലെന്നാണ് ഉത്തരവില്‍ പറയുന്നത്.
പരീക്ഷാ ഹാളില്‍ ഇന്‍വിജിലേറ്റര്‍മാര്‍ കൃത്യവും സുഗമവുമായ പരീക്ഷാ നടത്തിപ്പിനു മൊബൈല്‍ ഫോണ്‍ കൊണ്ടുവരുന്നത് ഇനി മുതല്‍ അനുവദനീയമല്ലെന്നും ഉത്തരവില്‍ വ്യക്തമാക്കുന്നു.
