കോഴിക്കോട്: ബാലുശേരിയിൽ ഉൽസവപ്പറമ്പിൽ വെച്ച് മർദ്ദനമേറ്റ് ചികിത്സയിലായിരുന്ന യുവാവ് മരിച്ചു. എരമംഗലം ഊളാൻ കുന്നുമ്മൽ ബിനീഷ് (44) ആണ് മരിച്ചത്. ഉത്സവപ്പറമ്പിൽ വെച്ച് പരിക്കേറ്റ നിലയിലാണ് ബിനീഷിനെ കണ്ടെത്തിയത്.
കാരാട്ട് പാറ കരിയാത്തൻകോട്ടക്കൽ ക്ഷേത്രത്തിനു സമീപം 27ന് രാവിലെ 7 മണിയോടെയാണ് ബീനീഷ് അബോധാവസ്ഥയിൽ കിടക്കുന്നത് ശ്രദ്ധയിൽപ്പെട്ടത്. മരണത്തിൽ ദുരൂഹതയുണ്ടെന്ന് ബന്ധുക്കൾ ആരോപിച്ചു.
ഉത്സവത്തിനിടെ സംഘട്ടനത്തെ തുടർന്ന് പരുക്കേറ്റാണ് ബിനീഷ് മരിച്ചതെന്നാണ് ബന്ധുക്കളുടെ പരാതി. ബിനീഷ് മൊടക്കല്ലൂർ സ്വകാര്യ ആശുപത്രിയിൽ ചികിൽസയിലായിരുന്നു. ഇന്ന് പുലർച്ചെയോടെയാണ് മരണം സംഭവിച്ചത്. ഭാര്യ സരിത. പിതാവ് കണ്ണൻകുട്ടി, മാതാവ്: പാർവതി.