കൊച്ചി: കേരളത്തെ ഞെട്ടിച്ച യുവനടിയെ തട്ടിക്കൊണ്ടുപോയി ഭീഷണിപ്പെടുത്തി അപകീര്‍ത്തികരമായ ദൃശ്യങ്ങള്‍ പകര്‍ത്തിയ കേസില്‍ വിചാരണയ്ക്ക് പ്രത്യേക കോടതിയെ നിയോഗിച്ചേക്കും. ഇത് സംബന്ധിച്ച് ഉടന്‍ തീരുമാനമുണ്ടാകുമെന്നാണ് സൂചന.
കോടതിയുടെ അനുമതിയോടെ വിദേശത്തേക്ക് പോയ നടന്‍ ദീലീപ് ഒഴികെ കേസിലെ മുഴുവന്‍ പ്രതികളും ഇന്നലെ ജില്ലാ സെഷന്‍സ് കോടതിയില്‍ ഹാജരായി. നടിയെ തട്ടിക്കൊണ്ടുപോയ സംഘത്തിലുണ്ടായിരുന്ന പ്രതി സലീം ജാമ്യാപേക്ഷ സമര്‍പ്പിച്ചു.
കേസിലെ മുഖ്യപ്രതി സുനില്‍ കുമാര്‍ സമര്‍പ്പിച്ച ജാമ്യാപേക്ഷ കോടതി പല തവണ തള്ളിയിരുന്നു. കേസ് ഇനി 29ന് വീണ്ടും പരിഗണിക്കും