മാറ്റമില്ല; ഇന്നും ഇന്ധന വിലയില്‍ വര്‍ധനവ്

തിരുവനന്തപുരം: മാറ്റമില്ലാതെ ഇന്നും ഇന്ധനവിലയില്‍ വര്‍ധനവ്. കൊവിഡ് ലോക്ഡൗണിനിടെ ജനം നട്ടംതിരിയുമ്പോഴാണ് ഇരുട്ടടിയായി വില വര്‍ധവ് തുടരുന്നത്.

പെട്രോള്‍ ലിറ്ററിന് 26 പൈസയും ഡീസലിന് 30 പൈസയുമാണ് ഇന്ന് കൂടിയത്. ി. ഇതോടെ തിരുവനന്തപുരത്ത് പെട്രോള്‍ വില ലിറ്ററിന് 96.81 രൂപയും ഡീസല്‍ 92.11 രൂപയുമായി വര്‍ധിച്ചു. കൊച്ചിയില്‍ പെട്രോള്‍ വില 94.86 രൂപയും ഡീസല്‍ വില 90 രൂപയിലുമെത്തി.

കേരളം ഉള്‍പ്പെടെയുള്ള സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം വന്നതിന് പിന്നാലെയാണ് രാജ്യത്തെ ഇന്ധന വില വീണ്ടും വര്‍ധിച്ചുതുടങ്ങിയത്. കഴിഞ്ഞ മാസം മാത്രം 16 തവണ ഇന്ധനവില കൂട്ടിയിരുന്നു.