തിരുവനന്തപുരം: സംസ്ഥാനത്ത് ഇന്ന് 44 ആരോഗ്യ പ്രവര്ത്തകര്ക്കാണ് കൊവിഡ് രോഗം ബാധിച്ചത്. കോഴിക്കോട്, കണ്ണൂര് 7 വീതം, എറണാകുളം, മലപ്പുറം 6 വീതം, തൃശൂര് 5, തിരുവനന്തപുരം 4, ഇടുക്കി 3, പത്തനംതിട്ട 2, കോട്ടയം, പാലക്കാട്, വയനാട്, കാസര്ഗോഡ് 1 വീതം എന്നിങ്ങനെ ആരോഗ്യ പ്രവര്ത്തകര്ക്കാണ് രോഗം ബാധിച്ചത്. ആരോഗ്യപ്രവര്ത്തകര്ക്ക് ഇടയിലെ രോഗവ്യാപനം കുറവില്ലാതെ തുടരുന്നത് ആശങ്ക ഉയര്ത്തുന്നുണ്ട്.
അതേസമയം സംസ്ഥാനത്ത് ഇന്ന് ആകെ 5376 പേര്ക്ക് കൊവിഡ് സ്ഥിരീകരിച്ചു. ഇതോടെ സംസ്ഥാനത്ത് ആകെ ഇതുവരെ കൊവിഡ് ബാധിച്ചവരുടെ എണ്ണം 6,19,916 ആയി. അതില് നിലവില് 61,209 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. രോഗം സ്ഥിരീകരിച്ച് ചികിത്സയിലായിരുന്ന 5590 പേരുടെ പരിശോധനാഫലം ഇന്ന് നെഗറ്റീവ് ആയി. ഇതോടെ 5,56,378 പേര് ഇതുവരെ കൊവിഡില് നിന്നും മുക്തി നേടി. ഇന്ന് 31 മരണങ്ങളാണ് കൊവിഡ്-19 മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 2329 ആയി.
സംസ്ഥാനത്തെ വിവിധ ജില്ലകളിലായി 3,11,237 പേരാണ് ഇപ്പോള് നിരീക്ഷണത്തിലുള്ളത്.രോഗം സ്ഥിരീകരിച്ചവരില് 81 പേര് സംസ്ഥാനത്തിന് പുറത്ത് നിന്നും വന്നവരാണ്. 4724 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 527 പേരുടെ സമ്പര്ക്ക ഉറവിടം വ്യക്തമല്ല. ഒരു പുതിയ ഹോട്ട് സ്പോട്ടാണുള്ളത്. 9 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ആകെ 473 ഹോട്ട് സ്പോട്ടുകളാണുള്ളത്.