തിരുവനന്തപുരം: കാലാവധി പൂര്‍ത്തിയാക്കി സ്ഥാനമൊഴിയുന്ന ഗവര്‍ണര്‍ പി സദാശിവത്തിന് കേരളത്തിന്റെ ഔദ്യോഗിക യാത്രയയപ്പ് നല്‍കി. മുഖ്യമന്ത്രി പിണറായി വിജയന്‍, പ്രതിപക്ഷനേതാവ് രമേശ് ചെന്നിത്തല, സ്പീക്കര്‍ പി ശ്രീരാമകൃഷ്ണന്‍ എന്നിവര്‍ യാത്രയയപ്പ് നല്‍കാന്‍ എത്തിയിരുന്നു. തിരുവനന്തപുരം മാസ്‌കറ്റ് ഹോട്ടലില്‍ നടന്ന ചടങ്ങില്‍ ഗവര്‍ണര്‍ പി സദാശിവം ഭാര്യ സരസ്വതിക്കൊപ്പമാണ് പങ്കെടുത്തത്.
ബുധനാഴ്ച സ്ഥാനമൊഴിയുന്ന അദ്ദേഹം പുതിയ ഗവര്‍ണര്‍ എത്തിയ ശേഷം തമിഴ്‌നാട്ടില്‍ ഈറോഡിലെ വീട്ടിലേക്ക് മടങ്ങും. ഭാര്യ സരസ്വതിക്കൊപ്പം പൊതുവേദികളിലെ സാന്നിധ്യമായിരുന്നു സദാശിവം.
ഷീലാ ദീക്ഷിതിനു പകരം 2014 സെപ്തംബര്‍ നാലിനാണ് പി സദാശിവം സംസ്ഥാന ഗവര്‍ണര്‍ പദവിയില്‍ നിയോഗിക്കപ്പെട്ടത്. മുന്‍ കേന്ദ്രമന്ത്രി ആരിഫ് മുഹമ്മദ് ഖാനാണ് നിയുക്ത കേരളാ ഗവര്‍ണര്‍.
ഗവര്‍ണര്‍ പി സദാശിവത്തിന് ഔദ്യോഗിക യാത്രയയപ്പ് നല്‍കി
