‘അധികം കളിച്ചാല്‍ മുഖ്യമന്ത്രിയോട് പറഞ്ഞ് സസ്‌പെന്‍ഡ് ചെയ്യിക്കും’; ട്രാഫിക് ഉദ്യോഗസ്ഥനെ ഭീഷണിപ്പെടുത്തി എംഎല്‍എയുടെ ഭാര്യ

ഹൈദരാബാദ്: ട്രാഫിക് നിയമം തെറ്റിച്ചതിന് എംഎല്‍എയുടെ മകനെതിരെ നടപടിക്കൊരുങ്ങിയ ട്രാഫിക് പോലീസുകാരനെ ഭീഷണിപ്പെടുത്തി എംഎല്‍എയുടെ ഭാര്യ. വൈഎസ്ആര്‍ കോണ്‍ഗ്രസ് പാര്‍ട്ടിയുടെ എംഎല്‍എ ആയ സമിനേനി ഉദയ്ഭാനുവിന്റെ മകന്‍ സമിനേനി പ്രസാദാണ് ഹൈദരാബാദിലെ മാതാപൂരില്‍ വെച്ച് ട്രാഫിക് നിയമങ്ങള്‍ ലംഘിച്ചത്.

ഇതേ തുടര്‍ന്നാണ് ട്രാഫിക് പോലീസ് ഇയാള്‍ക്കെതിരെ നടപടിക്കൊരുങ്ങിയത്. എന്നാല്‍ എംഎല്‍എയുടെ ഭാര്യ ട്രാഫിക് പോലീസുകാരെ ഭീഷണിപ്പെടുത്തുകയാണ് ചെയ്തത്. തെലുങ്കാന മുഖ്യമന്ത്രി കെ ചന്ദ്രശേഖര്‍ റാവുവിനോട് പറഞ്ഞ് പോലീസുകാരനെ സസ്‌പെന്‍ഡ് ചെയ്യിക്കുമെന്നാണ് ഇവര്‍ ഉദ്യോഗസ്ഥനോട് പറഞ്ഞത്.

എംഎല്‍എയുടെ ഭാര്യ ഇയാളെ ഭീഷണിപ്പെടുത്തുന്ന ദൃശൃങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറലാണ്. എംഎല്‍എയുടെ ഭാര്യയും മകനും മരുമകളും ദൃശൃങ്ങളിലുണ്ട്. വൈഎസ്ആര്‍ കോണ്‍ഗ്രസ് പാര്‍ട്ടിയുടെ എംഎല്‍എയാണ് സമിനേനി ഉദയ്ഭാനു.