തന്റെ പതിനഞ്ചാമത്തെ വയസില്‍ 32 കാരന്റെ പ്രണയാഭ്യര്‍ത്ഥന നിരസിച്ചതിനെത്തുടര്‍ന്ന് ആസിഡ് ആക്രമണത്തിനിരയായ വ്യക്തിയാണ് ലക്ഷ്മി അഗര്‍വാള്‍. എന്നാല്‍ ആ ആക്രമണത്തെ അവള്‍ അതിജീവിച്ചു. കൂടുതല്‍ കരുത്തോടെ അവള്‍ ജീവിതത്തിലേക്ക് തിരിച്ച് വന്നു. ഇപ്പോള്‍ അവള്‍ ആസിഡ് ആക്രമണത്തിനെതിരെ പോരാടുകയാണ്.
ഇവരുടെ പ്രവര്‍ത്തനങ്ങള്‍ ഒരു പരിധിവരെ ആസിഡ് ആക്രമണം കുറയ്ക്കാന്‍ സഹായിച്ചിട്ടുണ്ട്. ഇപ്പോള്‍ സമൂഹമാധ്യമങ്ങളില്‍ വൈറലായിക്കൊണ്ടിരിക്കുന്നത് ലക്ഷ്മി അഗര്‍വാളിന്റെ ഡാന്‍സാണ്. ഒരു ആസിഡ് ആക്രമണത്തിനും തന്നെ തളര്‍ത്താനായിട്ടില്ലെന്ന് പറയാതെ പറയുകയാണ് മനോഹരമായ നൃത്തത്തിലൂടെ ലക്ഷ്മി.
ലക്ഷ്മിയുടെ ജീവിതത്തെ ആസ്പദമാക്കി ഛപാക് എന്ന ചിത്രം ഒരുങ്ങുകയാണ്. മേഘ്‌നാ ഗുല്‍സാര്‍ സംവിധാനം ചെയ്യുന്ന ചിത്രത്തില്‍ ദീപിക പദുക്കോണാണ് ലക്ഷ്മിയായെത്തുന്നത്. ഇതിന്റെ ഫസ്റ്റ്‌ലുക്ക് പോസ്റ്റര്‍ സമൂഹമാധ്യമങ്ങളില്‍ വൈറലായിരുന്നു. ചിത്രം 2020ല്‍ തീയ്യേറ്ററുകളില്‍ എത്തും.
വീഡിയോ കാണാം…
