ന്യൂഡല്ഹി; രാജ്യത്ത് സാമ്പത്തിക സംവരണം കൊണ്ടു വന്നതിന് നന്ദി അറിയിച്ച് പ്രധാനമന്ത്രി നരേന്ദ്ര മോഡിക്ക് എന്എസ്എസ് ജനറല് സെക്രട്ടറി ജി സുകുമാരന് നായരുടെ കത്ത്. മോഡിയുടെ നേതൃത്വത്തിന് എല്ലാ പ്രാര്ഥനകളുമുണ്ടെന്ന് കത്തില് പറയുന്നു.
സാമ്പത്തിക സംവരണ ബില് രാജ്യസഭ കടന്നതിന് തൊട്ടു പിന്നാലെയാണ് എന്എസ്എസ് ജനറല് സെക്രട്ടറി ജി സുകുമാരന് നായര് പ്രധാനമന്ത്രി നരേന്ദ്ര മോഡിക്ക് നന്ദി അറിയിച്ച് കത്തയച്ചത്.
മുന്നാക്കക്കാരില് പിന്നാക്കം നില്ക്കുന്നവര്ക്ക് വിദ്യാഭ്യാസത്തിലും ജോലിയിലും പത്തുശതമാനം സംവരണം ഏര്പ്പെടുത്താനുള്ള തീരുമാനത്തെ എന്എസ്എസ് പ്രശംസിച്ചിരുന്നു. സാമൂഹിക നീതി നടപ്പാക്കാനുള്ള കേന്ദ്രസര്ക്കാരിന്റെ നീതി ബോധവും ഇച്ഛാശക്തിയുമാണ് തീരുമാനത്തിലൂടെ തെളിയിച്ചിരിക്കുന്നതെന്നാണ് എന്എസ്എസ് ജനറല് സെക്രട്ടറി ജി സുകുമാരന് നായര് പ്രതികരിച്ചത്.