കാൻ ചലച്ചിത്രമേളയിൽ പ്രധാനമന്ത്രി നരേന്ദ്ര നരേന്ദ്ര മോഡിയെ പ്രശംസിച്ച് തമിഴ് നടൻ മാധവൻ. മോഡിയുടെ മൈക്രോ എക്കോണമി നയത്തെയാണ് താരം പ്രശംസിച്ചത്. ഡിജിറ്റലൈസേഷൻ അവതരിപ്പിച്ചപ്പോൾ അതൊരു വലിയ ഇന്ത്യയിൽ അതൊരു പരാജയമായി തീരുമെന്ന് ലോകം സംശയിച്ചുവെന്നും എന്നാൽ ആ ധാരണകൾ മാറിമറിഞ്ഞുവെന്നും മാധവൻ പറയുന്നു.
പ്രധാമന്ത്രി ഡിജിറ്റലൈസേഷൻ കൊണ്ടുവന്നപ്പോൾ ലോകം മുഴുവൻ കരുതി അതൊരു വലിയ പരാജയമായി മാറുമെന്ന്. ഇന്ത്യയിലെ ഉൾഗ്രാമത്തിലെ കർഷകർക്ക് സ്മാർട്ടഫോണും അക്കൗണ്ടുകളും കൈകാര്യം ചെയ്യാൻ സാധിക്കുമോ എന്ന ധാരണയിൽ നിന്നാണ് ആ സംശയം ഉയർന്ന് വന്നത്.
എന്നാൽ രണ്ടുവർഷത്തിനുള്ളിൽ ആ കഥ മാറിയിരിക്കുന്നു. മൈക്രോ എക്കണോമി ഏറ്റവും കൂടുതൽ ഉപയോഗിക്കുന്ന രാജ്യങ്ങളിലൊന്നായി മാറിയിരിക്കുകയാണ് ഇന്ത്യ. അതാണ് പുതിയ ഇന്ത്യ- മാധവൻ പറയുന്നു.
When our PM @narendramodi introduced a micro economy & digital currency there was a furore…it is going to be a disaster. In a couple of years the whole story changed & India became one of the largest users of micro economy in the world. This is #NewIndia – @ActorMadhavan pic.twitter.com/yhuuZf8iHI
— Office of Mr. Anurag Thakur (@Anurag_Office) May 19, 2022
കേന്ദ്ര വാർത്ത വിതരണ പ്രക്ഷേപണ വകുപ്പ് മന്ത്രി അനുരാഗ് ഠാക്കൂറാണ് മാധവന്റെ പരാമർശം ട്വിറ്ററിൽ പങ്കുവെച്ചത്. കാൻ ചലച്ചിത്രമേളയിൽ മാധവനൊപ്പം കമൽ ഹാസൻ, അനുരാഗ് ഠാക്കൂർ തുടങ്ങിയവർ അതിഥികളാണ്.