ന്യൂഡൽഹി: കോൺഗ്രസ് നേതാവ് സച്ചിൻ പൈലറ്റിന് കൊവിഡ് സ്ഥിരീകരിച്ചു. തന്റെ ട്വിറ്റർ ഹാൻഡിലിലൂടെ പൈലറ്റ് തന്നെയാണ് ഇക്കാര്യം അറിയിച്ചത്. കൊവിഡ് പോസിറ്റീവായെന്നും കഴിഞ്ഞ ദിവസങ്ങളിൽ താനുമായി സമ്പർക്കം പുലർത്തിയവർ കൊവിഡ് ടെസ്റ്റ് നടത്തണമെന്നും അദ്ദേഹം ട്വിറ്ററിൽ കുറിച്ചു.
I have tested positive for Covid 19.
Anyone who may have come in contact with me over the last few day, please get yourselves tested.
Am taking appropriate doctoral advice. Hope to recover soon.
— Sachin Pilot (@SachinPilot) November 12, 2020
ഡോക്ടർമാരുടെ നിർദേശങ്ങൾ താൻ പാലിക്കുകയാണെന്നും അസുഖം വേഗം മാറുമെന്ന് കരുതുന്നു എന്നും അദ്ദേഹം കൂട്ടിച്ചേർത്തു.
നേരത്തെ, കേന്ദ്രമന്ത്രി സ്മൃതി ഇറാനി കൊവിഡ് ബാധിതയായിരുന്നു. പിന്നീട് രോഗമുക്തയായ വിവരം തന്റെ ട്വിറ്റർ ഹാൻഡിലിലൂടെയാണ് സ്മൃതി തന്നെ അറിയിച്ചത്. കഴിഞ്ഞ മാസം 28ാം തീയതിയാണ് സ്മൃതിയ്ക്ക് കൊവിഡ് ബാധിച്ചത്. ‘ഞാൻ കൊവിഡ് നെഗറ്റിവ് ആയി. എല്ലാവരുടെയും പ്രാർഥനയ്ക്കും അനുഗ്രഹത്തിനും നന്ദി’ സ്മൃതി ട്വിറ്ററിൽ കുറിച്ചു.