മഞ്ഞുകൊണ്ടുള്ള കേക്ക് മുറിച്ച് ജന്മദിനം ആഘോഷിക്കുന്ന സൈനികന്റെ വീഡിയോ ആണ് ഇപ്പോള്‍ സോഷ്യല്‍മീഡിയയില്‍ നിറയുന്നത്. 14 സെക്കന്‍ഡ് നീളമുള്ള വീഡിയോ അപ്ലോഡ് ചെയ്തിരിക്കുന്നത് മുന്‍ ക്രിക്കറ്റ് താരം വീരേന്ദര്‍ സേവാഗാണ്.
ഒരു കൂട്ടം സൈനികര്‍ ജന്മദിനം ആഘോഷിക്കുന്ന രംഗമാണ് വീഡിയോയില്‍. മഞ്ഞുപുതഞ്ഞ ഒരു മലയുടെ അരികിലാണ് ഇത്. കേക്ക് ചതുരത്തിലുള്ള മഞ്ഞിന്റെ ഒരു വലിയ കഷണവും. പിറന്നാളുകാരന്‍ അത് മുറിച്ച് കൂടെയുള്ളവര്‍ക്ക് നല്‍കുന്നതും എല്ലാവരും കൈയടിച്ച് പാട്ടുപാടുന്നതും ദൃശ്യങ്ങളില്‍ വ്യക്തമാണ്.
‘ഒരു സൈനികന്‍ ജന്മദിനം ആഘോഷിക്കുകയാണ്. ചീസ് കേക്കിനെ മറക്കാം, പകരം മനോഹരമായ മഞ്ഞുകേക്കാണ് ഉള്ളത്, ഒരു പട്ടാളക്കാരന് മാത്രം അറിയാവുന്നത്. അവരുടെ ത്യാഗത്തെ വിശേഷിപ്പിക്കാന്‍ ഒരു വാക്കും മതിയാവില്ല.’ വീഡിയോക്കൊപ്പം സേവാഗ് കുറിക്കുന്നു.
A soldier celebrating his birthday.
Forget cheese cake, the beauty of a Snow cake, which only a soldier knows.
No word are enough to describe their sacrifices and resilience. pic.twitter.com/sr5xGSdUNU— Virender Sehwag (@virendersehwag) July 12, 2020