ന്യൂഡല്ഹി: രാജ്യത്തെ പിടിച്ചു കുലുക്കിയ നിര്ഭയ കേസില്, പുതിയ മരണ വാറന്റ് പുറപ്പെടുവിക്കണമെന്ന ഹര്ജി പട്യാല ഹൗസ് കോടതി ഇന്ന് പരിഗണിക്കും. പ്രതി പവന് ഗുപ്തയുടെ അഭിഭാഷകന് പിന്മാറിയതിനാല് കേസ് ഇന്നത്തേയ്ക്ക് നീട്ടിവെയ്ക്കുകയായിരുന്നു.
ഡല്ഹി നിയമ സഹായ അതോറിറ്റിയിലെ അഭിഭാഷകരുടെ പട്ടിക കോടതി പവന് ഗുപ്തയുടെ പിതാവിന് കൈമാറിയിട്ടുണ്ട്. ഈ ലിസ്റ്റില് നിന്നൊരാള് ഹാജരായേക്കുമെന്നാണ് വിവരം. നിര്ഭയയോട് കാണിക്കുന്ന വഞ്ചനയാണ് ശിക്ഷാ വിധി നീട്ടിക്കൊണ്ടുപോകലെന്ന് ആരോപിച്ച് കോടതി മുറിക്കുള്ളില് നിര്ഭയയുടെ അമ്മ കഴിഞ്ഞ ദിവസം പൊട്ടിക്കരഞ്ഞിരുന്നു.
എന്തുകൊണ്ട് കോടതി തങ്ങളുടെ വികാരം മനസിലാക്കുന്നില്ലെന്ന് ചോദിച്ചായിരുന്നു അമ്മ വിങ്ങിപ്പൊട്ടി മുദ്രാവാക്യം വിൡച്ച് പ്രതിഷേധിച്ചത്. ദയാഹര്ജി തള്ളിയ രാഷ്ട്രപതിയുടെ നടപടി ചോദ്യം ചെയ്ത് വിനയ് ശര്മ്മ നല്കിയ ഹര്ജിയും സുപ്രീംകോടതിയുടെ പരിഗണനയ്ക്ക് എത്തുന്നുണ്ട്.