ആഗ്ര: മുസ്ലിങ്ങൾക്ക് എതിരെ വീണ്ടും വിദ്വേഷ പ്രസംഗം നടത്തി ഉത്തർപ്രദേശ് തൊഴിൽ വകുപ്പ് മന്ത്രി രഘുരാജ് സിങ്. മുസ്ലിം സ്ത്രീകൾ ബുർഖ ധരിക്കുന്നത് അവർ ശൂർപ്പണഖയുടെ പിൻഗാമികളായതിനാൽ ആണെന്നാണ് മന്ത്രിയുടെ പരാമർശം.
ബുർഖയെന്ന സംവിധാനം വരുന്നത് വരുന്നത് അറബ് ലോകത്ത് നിന്നാണ്. ഭഗവാൻ ലക്ഷ്മണൻ ചെവിയും മൂക്കും മുറിച്ചതിനാലാണ് ശൂർപ്പണഖ അവരുടെ മുഖം മറയ്ക്കുന്നത്. അവർ ബുർഖ ധരിക്കുന്നതിനുള്ള കാരണം രാക്ഷസന്റെ പിൻഗാമികളായതു കൊണ്ടാണ്. രാക്ഷസന്റെ പിൻഗാമികൾ മാത്രമേ ബുർഖ ധരിക്കൂ. സാധാരണ മനുഷ്യർ ബുർഖ ധരിക്കാറില്ല. അത് കൊണ്ട് രാജ്യത്തെ സർക്കാരിനോട് ആവശ്യപ്പെടുകയാണ് ബുർഖ നിരോധിക്കാൻ.
തീവ്രവാദികൾ ബുർഖയെ മറയായി ഉപയോഗിക്കുന്നു. അതിനാൽ ബുർഖ രാജ്യമൊട്ടാകെ നിരോധിക്കണമെന്നും രഘുരാജ് സിങ് ആവശ്യപ്പെട്ടു. കഴിഞ്ഞ വർഷം ശ്രീലങ്കയിൽ നിരവധി ബോംബ് സ്ഫോടനങ്ങൾ നടന്നതിനാൽ ബുർഖ നിരോധിച്ചെന്നും അദ്ദേഹം പറഞ്ഞു.