നടന്‍ മോഹന്‍ലാലിനെ കണ്ടുമുട്ടിയ സന്തോഷം പങ്കുവച്ച് നടി പ്രിയ വാര്യര്‍. തന്റെ ഒഫീഷ്യല്‍ ഫേസ്ബുക്ക് പേജിലൂടെയാണ് പ്രിയ മോഹന്‍ലാലിനെ കണ്ട സന്തോഷം ആരാധകരുമായി പങ്കുവെച്ചത്. നടന്നത് സത്യം തന്നെയാണെന്ന് വിശ്വസിക്കാനാകുന്നില്ലെന്നും അദ്ദേഹത്തോടൊപ്പം സമയം കൂടെ ചെലവിടാനും സാധിച്ചത് ഭാഗ്യമായി കരുതുന്നെന്നും പ്രിയ പറഞ്ഞു.
‘ഇത് സത്യം തന്നെയാണോ. ഇത് നടന്ന ദിവസം മുതല്‍ ഞാന്‍ എന്നെ തന്നെ നുള്ളി നോക്കുകയാണ്. ഈ ഇതിഹാസത്തെ കാണാനും അദ്ദേഹവുമായി അല്പ സമയം ചെലവിടാനും സാധിച്ചതില്‍ ഞാന്‍ ഏറെ ഭാഗ്യം ചെയ്തവളാണ്. ഭാവിയില്‍ എന്നെ കാത്തിരിക്കുന്ന എല്ലാ വിജയങ്ങള്‍ക്കുമായി അദ്ദേഹത്തിന്റെ പാദങ്ങളില്‍ വീണ് അനുഗ്രഹം വാങ്ങിക്കാന്‍ സാധിച്ചതില്‍ ഞാന്‍ വിനയാന്വിതയാണ്. പത്മഭൂഷണ്‍ പത്മശ്രീ ഭരത്‌ഡോക്ടര്‍ ലെഫ്റ്റനന്റ് കേണല്‍ മോഹന്‍ലാല്‍ സാര്‍, നമ്മുടെ സ്വന്തം ലാലേട്ടന്‍’ പ്രിയ ഫേസ്ബുക്കില്‍ കുറിച്ചു.
