തിരക്കഥാകൃത്തും അഭിനേതാവുമായ മുരളി ഗോപി നിര്‍മ്മാണ രംഗത്തേക്ക്. ഫേസ്ബുക്കിലൂടെ താരം തന്നെയാണ് ഈ വിവരം ആരാധകരുമായി പങ്കുവെച്ചത്. വിജയ് ബാബുവിന്റെ ഫ്രൈഡേ ഫിലിം ഹൗസും സംരംഭത്തില്‍ ഒപ്പമുണ്ടെന്നും രതീഷ് അമ്പാട്ടും പങ്കാളിയാണെന്നും മുരളി ഗോപി ഫേസ്ബുക്കില്‍ കുറിപ്പില്‍ കുറിച്ചു.
ചിത്രത്തിന്റെ ടൈറ്റില്‍ പോസ്റ്റര്‍ ജനുവരി 2ന് പുറത്തുവിടുമെന്നും ഫെബ്രുവരിയില്‍ ചിത്രത്തിന്റെ ചിത്രീകരണം ആരംഭിക്കുമെന്നുമാണ് മുരളി ഗോപി ഫേസ്ബുക്ക് പോസ്റ്റില്‍ കുറിച്ചത്. ചിത്രത്തിന് തിരക്കഥയൊരുക്കുന്നതും മുരളി ഗോപി തന്നെയാണ്.
രതീഷ് അമ്പാട്ട് ഒരുക്കുന്ന ചിത്രത്തിന് വേണ്ടി താന്‍ തിരക്കഥയൊരുക്കുന്ന വിവരം മുരളി ഗോപി നേരത്തെ അറിയിച്ചിരുന്നതാണ്. ‘എമ്പുരാന്’ മുമ്പ് ഈ ചിത്രം തുടങ്ങുമെന്നും രചനാവേളയില്‍ അദ്ദേഹം അറിയിച്ചിരുന്നു.
