കൊച്ചി: സിനിമ സീരിയല്‍ രംഗത്ത് നിറസാന്നിധ്യമായിരുന്നു നടന്‍ ആദിത്യന്‍ ജയനും നടി അമ്പിളി ദേവിയും. ഇരുവരുടെയും വിവാഹം സോഷ്യല്‍മീഡിയയില്‍ വലിയ ചര്‍ച്ചയായിരുന്നു. ആദ്യ വിവാഹത്തിലെ അമ്പിളിയുടെ മകനും ഇവര്‍ക്കൊപ്പമാണ് കഴിയുന്നത്.
സോഷ്യല്‍മീഡിയയില്‍ സജീവമായ താരങ്ങള്‍ ഇടക്കിടെ തങ്ങളുടെ കുടുംബചിത്രങ്ങള്‍ ആരാധകരുമായി പങ്കുവെക്കാറുണ്ട്. ഇരുവര്‍ക്കും ജനിച്ച ആണ്‍കുട്ടിയുടെ പേരിടല്‍ ചടങ്ങിന്റെ ചിത്രം അടുത്തിടെ ആദിത്യന്‍ ഫേസ്ബുക്കിലൂടെ പങ്കുവെച്ചിരുന്നു.
ഇപ്പോഴിതാ താരം സീരിയല്‍ നടി ജീജ സുരേന്ദ്രന് നല്‍കിയ മറുപടിയാണ് സോഷ്യല്‍മീഡിയയിലെ ചര്‍ച്ചാവിഷയമായി മാറിയിരിക്കുന്നത്. ഒരു സീരിയലിനിടെ ആദിത്യനും അമ്പിളി ദേവിയും പ്രണയത്തിലാണെന്ന് ജീജ സുരേന്ദ്രന് പറഞ്ഞിരുന്നു. ഇതാണ് ആദിത്യനെ ചൊടിപ്പിച്ചത്.
കൂടെ വര്‍ക്ക് ചെയ്യുന്ന എല്ലാ പെണ്‍കുട്ടികളെയും കുറ്റം പറയലാണ് ജീജയുടെ പ്രധാന തൊഴില്‍ എന്നും കുറച്ചു ദിവസം മുന്നേ വരെ നടി മേഘ്നേ കുറിച്ചായിരുന്നു കുറ്റം പറച്ചിലെന്നും ജീജയ്ക്ക് മറുപടിയെന്നോണമായി ഫേസ്ബുക്കില്‍ പങ്കുവെച്ച കുറിപ്പില്‍ ആദിത്യന്‍ പറയുന്നു.
