രൂപയുടെ മൂല്യം ഇടിഞ്ഞു; സ്വര്‍ണ്ണ വിലയില്‍ വന്‍ വര്‍ധനവ്

കൊച്ചി: സ്വര്‍ണവിലയില്‍ തുടര്‍ച്ചയായ മൂന്നാം ദിനവും വന്‍ വര്‍ധനവ് രേഖപ്പെടുത്തി. പവന് 80 രൂപയാണ് ഇന്ന് കൂടിയത്. ഗ്രാമിന് 10 രൂപയും. സ്വര്‍ണ്ണത്തിന്റെ ഈ മാസത്തെ ഏറ്റവും ഉയര്‍ന്ന നിരക്കാണിത്.

ഒരു പവന് 23,120 രൂപയാണ് ഇന്നത്തെ വില. ഗ്രാമിന് 2,890 രൂപയാണ് നിരക്ക്. രൂപയുടെ മൂല്യത്തില്‍ ഇടിവ് നേരിട്ടതാണ് രാജ്യത്ത് സ്വര്‍ണ്ണവില ഉയരാനുളള പ്രധാന കാരണം. 1239 ഡോളറാണ് 31 ഗ്രാം ട്രോയ് ഔണ്‍സിന്റെ വില.