റിലീസിന് മുമ്പേ ഏറെ വിമര്‍ശനങ്ങള്‍ നേരിട്ട ചിത്രമായിരുന്നു സല്‍മാന്‍ ഖാന്‍ നായകനായി എത്തിയ ‘ഭാരത്’. സല്‍മാന്റെ വെറും പേക്കൂത്തുകള്‍ കാണിക്കുന്ന ചിത്രത്തിന് ഭാരത് എന്ന പേര് നല്‍കാന്‍ പാടില്ല എന്നായിരുന്നു വിമര്‍ശനം.
എന്നാല്‍ ആ വിമര്‍ശനങ്ങളൊക്കെ അതിജീവിച്ച് ചിത്രം ഗംഭീര വിജയത്തിലേക്ക് കുതിക്കുകയാണ് എന്നാണ് പുതിയ കളക്ഷന്‍ റിപ്പോര്‍ട്ട് നല്‍കുന്ന സൂചന. ഒരാഴ്ച കൊണ്ട് ചിത്രം നേടിയിരിക്കുന്നത് 175 കോടി രൂപയാണ്.
കൊറിയന്‍ ചിത്രമായ ‘ഓഡ് റ്റു മൈ ഫാദര്‍’ എന്ന ചിത്രത്തിന്റെ ഔദ്യോഗിക റീമേക്കാണ് ഭാരത്. 1947ലെ ഇന്ത്യ വിഭജനകാലത്ത് നടന്ന സംഭവവികാസങ്ങളുടെ പശ്ചാത്തലത്തിലാണ് സിനിമ ഒരുക്കിയിരിക്കുന്നത്. അലി അബ്ബാസ് സഫര്‍ സംവിധാനം ചെയ്ത ചിത്രത്തില്‍ കത്രീന കൈഫും ദിഷ പട്ടാനിയുമാണ് നായികമാര്‍. വിവിധ ഗെറ്റപ്പിലാണ് ചിത്രത്തില്‍ സല്‍മാന്‍ ഖാന്‍ എത്തിയത്. തബു, ജാക്കി ഷറോഫ്, സുനില്‍ ഗ്രോവര്‍ എന്നിവരാണ് ചിത്രത്തിലെ മറ്റ് താരങ്ങള്‍. ടി സീരീസും സല്‍മാന്‍ ഖാന്‍ ഫിലിംസും ചേര്‍ന്നാണ് ചി്തരം നിര്‍മ്മിച്ചത്. ഈദ് റിലീസായാണ് ചിത്രം തീയ്യേറ്ററുകളില്‍ എത്തിയത്.