കല്ലംഗ്: അനായാസ വിജയത്തോടെ സിംഗപ്പൂര്‍ ഓപ്പണ്‍ ബാഡ്മിന്റണില്‍ പിവി സിന്ധുവും സൈന നെഹ്‌വാളും വനിതാ സിംഗിള്‍സ് രണ്ടാം റൗണ്ടിലെത്തി. 27 മിനിറ്റിനുള്ളില്‍ നാലാം സീഡായ സിന്ധു വിജയം കണ്ടു. സിന്ധു തോല്‍പ്പിച്ചത് ഇന്‍ഡൊനേഷ്യയുടെ ലാനി അലെസാന്ദ്ര മൈനാകിയെയാണ്. സ്‌കോര്‍: 21-9,2-17 എന്നിങ്ങനെയാണ്.
അടുത്ത റൗണ്ടില്‍ സിന്ധുവിന്റെ എതിരാളി ഡെന്‍മാര്‍ക്കിന്റെ മിയ ബ്ലിച്ച്‌ഫെല്‍റ്റാണ്. സൈനയുടെ മുന്നേറ്റം ഇന്തോനേഷ്യയുടെ തന്നെ യൂലിയ സുസാന്റോയെ പരാജയപ്പെടുത്തിയാണ്. ആറാം സീഡായ ഇന്ത്യന്‍ താരം അനായാസമാണ് വിജയം കണ്ടത്. സ്‌കോര്‍: 21-16,21-11 എന്നിങ്ങനെയാണ്.
എന്നാല്‍ പുരുഷ ഡബിള്‍സില്‍ ഇന്ത്യന്‍ ടീം ആദ്യ റൗണ്ടില്‍ തന്നെ പുറത്തായി. നേരിട്ടുള്ള ഗെയിമുകള്‍ക്ക് തോല്‍ക്കുകയായിരുന്നു മനു ആത്രിയും ബി സുമീതി റെഡ്ഡിയും അടങ്ങുന്ന ജോഡി. ഇന്ത്യന്‍ ജോഡി പരാജയപ്പെട്ടത് യോഗ്യതാ റൗണ്ട് കളിച്ചെത്തിയ ഡാനി ക്രിസ്‌നാന്റകീന്‍ ഹീന്‍ ലോ സഖ്യത്തോടാണ്. സ്‌കോര്‍: 13-21, 17-21 എന്നിങ്ങനെയാണ്.