ലണ്ടന്‍: പാമ്പില്‍ നിന്ന് യജമാനന്റെ ജീവന്‍ രക്ഷിച്ച നായയും, യജമാനന് ജോലി കഴിഞ്ഞ് തിരികെ വരുന്നത് കാത്തിരിക്കുന്ന നായയുടെ കഥയുമൊക്കെ നമ്മള്‍ വായിച്ചതാണ്. എന്തിനേറെ പറയുന്നു നായകളെ വളര്‍ത്തിയാല്‍ മാനസിക സമ്മര്‍ദ്ദം, വിഷാദം എന്നിവ കുറയ്ക്കാന്‍ സഹായിക്കുമെന്ന് പോലും പഠനങ്ങള്‍ പറയുന്നുണ്ട്.
നായയെ വളര്‍ത്തിയാല്‍ നല്ലതാണെന്ന് പറയുന്നുണ്ടെങ്കിലും ചില സമയങ്ങളില്‍ ഇവരുടെ കുസൃതി യജമാനന് താങ്ങാവുന്നതിലും അപ്പുറമായിരിക്കും.യുകെയിലെ നോര്‍ത്ത് വേലിലാണ് അത്തരത്തിലൊരു സംഭവം റിപ്പോര്‍ട്ട് ചെയ്തിരിക്കുന്നത്. ഓസി എന്ന നായയാണ് യജമാനന് കിടിലന്‍ പണി നല്‍കിയിരിക്കുന്നത്.
ഓസിക്ക് വിശന്നപ്പോള്‍ ഉച്ചഭക്ഷണമായി കഴിച്ചത് യജമാനന് സൂക്ഷിച്ച് വെച്ച പണമായിരുന്നു, 160 പൌഡ് അതായത് ഇന്ത്യയിലെ 14000 രൂപ. ഒരു ലെറ്ററിനോടൊപ്പം സൂക്ഷിച്ച പണമാണ് കക്ഷി അകത്താക്കിയത്. യജമാനന് ഉടന്‍ തന്നെ ഓസിയെ ആശുപത്രിയില്‍ എത്തിച്ചു.
