കണ്ണൂര്‍: കണ്ണൂര്‍ സെന്‍ട്രല്‍ ജയിലില്‍ നടത്തിയ റെയ്ഡില്‍ വീണ്ടും മൊബൈല്‍ ഫോണുകള്‍ പിടിച്ചെടുത്തു. ഇന്ന് പത്ത് മൊബൈല്‍ ഫോണുകളും മറ്റു സാധനങ്ങളുമാണ് ജയിലില്‍ നിന്നും കണ്ടെത്തിയത്. സൂപ്രണ്ട് ടി ബാബുരാജിന്റെ നേതൃത്വത്തില്‍ നടത്തിയ പരിശോധനയിലാണ് മൊബൈല്‍ ഫോണുകള്‍ അടക്കമുള്ള സാധനങ്ങള്‍ പിടിച്ചെടുത്തത്.
റെയ്ഡില്‍ പിടിച്ചെടുത്ത മൊബൈല്‍ ഫോണില്‍ അഞ്ചെണ്ണം സ്മാര്ട്ട് ഫോണുകളാണ്. കഴിഞ്ഞ ദിവസം നടത്തിയ പരിശോധനയില്‍ കഞ്ചാവും നാലു മൊബൈല്‍ ഫോണുകളും ചാര്‍ജറുകള്‍ 2500 രൂപ ഹെഡ്ഫോണ്‍ മുതലായവ പിടിച്ചെടുത്തിരുന്നു.
അഞ്ചാം ബ്ലോക്കില്‍ കുമാരന്‍ എന്ന തടവുകാരനില്‍ നിന്നാണു കഞ്ചാവ് പിടിച്ചത്. ഫോണുകള്‍ മണ്ണിലും ചുമരിലുമായി ഒളിപ്പിച്ച നിലയിലായിരുന്നു. മുമ്പ് നടന്ന മിന്നല്‍ പരിശോധനയില്‍ മൂന്ന് സ്മാര്ട്ട് ഫോണുകളടക്കം പത്ത് മൊബൈല്‍ ഫോണുകളാണ് പിടിച്ചെടുത്തു. ഈ സാഹചര്യത്തില്‍ മൂന്ന് പേരെ പൂജപ്പുര സെന്‍ട്രല്‍ ജയിലിലേക്ക് മാറ്റി. ജയിലുകളില്‍ പരിശോധന ശക്തമാക്കിയിരിക്കുകയാണ്.