കൊച്ചി: നിയന്ത്രണം വിട്ട കാര്‍ സ്‌കൂള്‍ ബസിലടക്കം ഇടിച്ച് ഒരാള്‍ മരിച്ചു. ഒരാള്‍ക്ക് പരിക്കേറ്റു. ഇന്ന് രാവിലെ പത്തുമണിയോടെ പെരുമ്പാവൂര്‍ മാറമ്പളളിയിലാണ് സംഭവം.
നിയന്ത്രണം വിട്ട കാര്‍ ആദ്യം മറ്റൊരു കാറില്‍ ഇടിക്കുകയായിരുന്നു. ഇടിയുടെ ശക്തിയില്‍ ഈ കാര്‍ ഒരു സ്‌കൂള്‍ ബസില്‍ ചെന്നിടിച്ചു. ഈ കാറില്‍ യാത്ര ചെയ്യുകയായിരുന്ന ഇടുക്കി വണ്ടന്‍മേട് സ്വദേശി കരിമ്പാനയ്ക്കല്‍ ജോസഫ് ചാക്കോ (51) ആണ് മരിച്ചത്.
ബസിനകത്ത് കുട്ടികളില്ലായിരുന്നതിനാല്‍ വന്‍ അപകടം ഒഴിവായി. കുട്ടികളെ സ്‌കൂളില്‍ ഇറക്കി മടങ്ങുമ്പോഴാണ് അപകടം. അപകടത്തില്‍ ഗുരുതര പരിക്കുകളോടെ മറ്റൊരാളെ രാജഗിരി ആശുപത്രിയില്‍ പ്രവേശിപ്പിച്ചു.