ആലപ്പുഴ: ചേര്‍ത്തലയില്‍ ഒന്നരവയസ്സുകാരിയെ കൊലപ്പെടുത്തിയ സംഭവത്തില്‍ അമ്മയുടെ മൊഴി പോലീസ് രേഖപ്പെടുത്തി. പെട്ടെന്നുണ്ടായ ദേഷ്യത്തില്‍ ചെയ്തതാണെന്നും അബദ്ധം പറ്റിപ്പോയെന്നുമാണ് കുട്ടിയുടെ അമ്മ പോലീസിനോട് പറഞ്ഞത്. കുട്ടികരഞ്ഞപ്പോള്‍ മൂക്കും വായും പൊത്തിപ്പിടിച്ചു അല്ലാതെ കൊല്ലണമെന്ന് ഉദ്ദേശമുണ്ടായില്ലെന്ന് യുവതി പറഞ്ഞു.
അതേസമയം യുവതിയുടെ മൊഴിയില്‍ വിശ്വാസമില്ലെന്നും വീണ്ടും ചോദ്യം ചെയ്യുമെന്ന് അന്വേഷണ സംഘം വ്യക്തമാക്കി. ആശുപത്രിയില്‍ എത്തി കുഞ്ഞ് മരിച്ചുവെന്ന് ഡോക്ടര്‍ പറഞ്ഞിട്ടും അമ്മയുടെ മുഖത്ത് ഭാവഭേദമുണ്ടായില്ലെന്ന് കണ്ടുനിന്നവര്‍ പറഞ്ഞു. എന്നാല്‍ മുറ്റത്ത് കളിച്ചുകൊണ്ടിരുന്ന കുട്ടിയെ പെട്ടെന്ന് അകത്ത് കൊണ്ടുപോകുകയായിരുന്നു തുടര്‍ന്നാണ് കുട്ടി മരിച്ചവിവരം അറിയുന്നതെന്ന് കുട്ടിയുടെ മുത്തച്ഛന്‍ മൊഴിനല്‍കി.
കുട്ടിയെ അതി ക്രൂരമായി പീഡിപ്പിച്ചുരുന്നെന്ന് നാട്ടുകാര്‍ പറഞ്ഞിരുന്നു. ദിവസവും വീട്ടില്‍ വഴക്കായിരുന്നെന്നും ഇതിന്റെ പേരില്‍ കുഞ്ഞിനെ ദ്രോഹിച്ചിരുന്നെന്നും നാട്ടുകാര്‍ പോലീസിനോട് പറഞ്ഞിരുന്നു.