കോഴിക്കോട്: കോഴിക്കോട് ജില്ലയിലെ മലയോര മേഖലകളില്‍ വ്യാപകമായി വ്യാജ ചാരായ വാറ്റ് നിര്‍മാണം. കോടഞ്ചേരി, തിരുവമ്പാടി, കൂടരഞ്ഞി പഞ്ചായത്തുകളില്‍ നടന്ന റെയ്ഡില്‍ 22 ലിറ്റര്‍ ചാരായവും 170 ലിറ്റര്‍ വാഷുമാണ് എക്സൈസ് വകുപ്പ് പിടികൂടിയത്.
രണ്ട് പേരെ അറസ്റ്റും ചെയ്യതിട്ടുണ്ട്. ഈ സാഹചര്യത്തിമാണ് എക്സൈസ് വകുപ്പ് നടപ്പടികള്‍ ശക്തമാക്കാന്‍ മുന്നിട്ടറങ്ങിയത്. തിരുവമ്പാടി മേഖലയിലെ പരിശോധനയില്‍ കുന്നുമ്മല്‍ സുരേന്ദ്രന്റെ വീട്ടില്‍ നിന്നും ഏവ് ലിറ്റര്‍ ചാരായവും 100 ലിറ്റര്‍ വാഷും വാറ്റുപകരണങ്ങളും പിടിച്ചെടുത്തു. അടിവാരം നൂറാംതോട് ഭാഗത്ത് എക്സൈസ് നടത്തിയ പരിശോധനയില്‍ 70 ലിറ്റര്‍ വാഷും, 5 ലിറ്റര്‍ ചാരായവും, വാറ്റുപകരണങ്ങളും എക്സൈസ് പിടിച്ചെടുത്തിരുന്നു.
കൂടരഞ്ഞി കക്കാടംപൊയിലില്‍ നടന്ന പരിശോധനയിലും 10 ലിറ്റര്‍ ചാരായം പിടികൂടി. ഈ രണ്ട് കേസുകളിലുമായി പാവയ്ക്കല്‍ വീട്ടില്‍ ഷിബു സെബാസ്റ്റിയന്‍, കുന്നുമ്മല്‍ സുരേന്ദ്രന്‍ എന്നിവരെ എക്സൈസ് അറസ്റ്റ് ചെയ്യ്തു. കഞ്ചാവിനെതിരെ പ്രതിരോധം ശക്തമായപ്പോഴാണ് മലയോര മേഖലയില്‍ വ്യാജവാറ്റ് വ്യാപകമായതെന്നാണ് അധികൃതര്‍ വ്യക്തമാക്കി. വരും ദിവസങ്ങളില്‍ പരിശോധനകള്‍ കൂടുതല്‍ ശക്തമാക്കാനാണ് എക്സൈസ് വകുപ്പിന്റെ തീരുമാനം.