വീട്ടുമുറ്റത്ത് കളിച്ചുകൊണ്ടിരുന്ന അഞ്ചുവയസുകാരനെ ആക്രമിച്ച് തെരുവുനായ, പരിക്ക്

കുട്ടനാട്: തെരുവ് നായയുടെ അക്രമത്തിൽ കുട്ടിയ്ക്ക് പരിക്ക്. ആലപ്പുഴ ജില്ലയിലെ കാവാലത്ത് ആണ് നടുക്കുന്ന സംഭവം. പതിനൊന്നാം വാർഡ് ചെന്നാട്ട് വീട്ടിൽ പ്രദീപിന്റെ മകൻ തേജസിനാണ് നായയുടെ കടിയേറ്റത്.

വീട്ടുമുറ്റത്ത് കളിച്ചുകൊണ്ടിരുന്ന അഞ്ചു വയസ്സുള്ള കുട്ടിയേ തെരുവു നായ ആക്രമിക്കുകയായിരുന്നു. കുട്ടിയുടെ തലയിലും കണ്ണിലും കയ്യിലും വയറിലും
തെരുവുനായ കടിച്ചു.

ഉടൻ തന്നെ കുട്ടിയെ കോട്ടയം മെഡിക്കൽ കോളേജിൽ പ്രവേശിപ്പിച്ചു. ഈ കുട്ടിയെ കടിക്കുന്നതിനു മുൻപ് മറ്റൊരു പെൺകുട്ടിയെയും റോഡിൽ വെച്ച് പട്ടി കടിക്കാൻ ശ്രമിച്ചു.