പത്തനംതിട്ട: ശബരിമല ദര്‍ശന ശേഷം നിലയ്ക്കല്‍ പാര്‍ക്കിംഗ് ഗ്രൗണ്ടില്‍ കിടന്നുറങ്ങിയ തീര്‍ത്ഥാടകന്റെ മുകളിലൂടെ ബസ് കയറിയിറങ്ങി.
നിലയ്ക്കല്‍ പാര്‍ക്കിംഗ് ഗ്രൗണ്ടിലാണ് അപകടം നടന്നത്. തമിഴ്‌നാട് തിരുവള്ളൂര്‍ സ്വദേശി ഗോപിനാഥ് ആണ് മരിച്ചത്.
നിലയ്ക്കലിലെ പത്താം നമ്പര്‍ പാര്‍ക്കിംഗ് ഗ്രൗണ്ടില്‍ രാത്രി 9 മണിയോടെയായിരുന്നു സംഭവം. ദര്‍ശന ശേഷം മടങ്ങിയെത്തിയ ഗോപിനാഥ് പാര്‍ക്കിംഗ് ഗ്രൗണ്ടില്‍ കിടന്നു ഉറങ്ങുകയായിരുന്നു.
പിന്നോട്ടെടുത്ത ബസ് ഗോപിനാഥന്റെ തലയിലൂടെ കയറി ഇറങ്ങി. തമിഴ്‌നാട്ടില്‍ നിന്നും തീര്‍ത്ഥാടകരുമായി എത്തിയ ബസാണ് അപകടത്തിന് ഇടയാക്കിയത്. മൃതദേഹം നിലയ്ക്കല്‍ ആശുപത്രിയിലേക്ക് മാറ്റി.
