കൊച്ചി: സിറോ മലബാര് സഭ അധ്യക്ഷ സ്ഥാനം കര്ദിനാള് ജോര്ജ് ആലഞ്ചേരി ഒഴിഞ്ഞു. സിറോ മലബാര് സഭയുടെ അധ്യക്ഷന് എന്ന പദവിയില് നിന്നും 12 വര്ഷത്തിന് ശേഷമാണ് പടിയിറക്കം. ബിഷപ്പ് സെബാസ്ത്യന് വാണിയപ്പുരക്കലിന് പകരം താല്ക്കാലിക ചുമതല നല്കും. ബിഷപ്പ് ബോസ്കോ പുത്തൂരിനാണ് എറണാകുളം – അങ്കമാലി അതിരൂപതയുടെ താല്കാലിക ചുമതല.
ആര്ച്ച് ബിഷപ്പ് ആന്ഡ്രൂസ് താഴത്ത് എറണാകുളം അങ്കമാലി അതിരൂപതയുടെ അപ്പോസ്റ്റോലിക്ക് അസ്മിനിസ്ട്രേറ്റര് സ്ഥാനവും ഒഴിഞ്ഞു. ബിഷപ് ബോസ്കോ പുത്തൂരിന് ചുമതല. ആലഞ്ചേരിക്ക് പകരക്കാരനെ ജനുവരിയിലെ സിനഡ് തിരഞ്ഞെടുക്കും. മാര്പാപ്പയുടെ അനുമതിയോടെ വിരമിക്കുകയാണെന്ന് ആലഞ്ചേരി വാര്ത്താ സമ്മേളനത്തില് അറിയിച്ചു. ആരോഗ്യ പ്രശ്നവും പ്രായാധിക്യവും വത്തിക്കാനെ അറിയിച്ചിരുന്നു. ഇത് വത്തിക്കാന് അംഗീകരിച്ചു. മാര് ജോര്ജ് ആലഞ്ചേരി ഇനിമുതല് മേജര് ആര്ച്ച് ബിഷപ് എമരിറ്റസ് എന്ന് അറിയപ്പെടും.