ഇടുക്കി: ഇടുക്കി ജില്ലയില്‍ ഉരുള്‍പൊട്ടല്‍. ശാന്തന്‍പാറയ്ക്ക് സമീപം പേത്തൊട്ടിയിലാണ് ഇന്നലെ രാത്രി ഉരുള്‍ പൊട്ടലുണ്ടായത്. ആളപായമുണ്ടായിട്ടില്ലെന്നാണ് വിവരം.
അതിശക്തമായ മഴയാണ് പ്രദേശത്ത്. ഇന്നലെ വൈകീട്ട് അഞ്ചു മണിയോടെയാണ് മഴ തുടങ്ങിയതെന്നും രാത്രി 9.30 ഓടെയാണ് ഉരുള്‍ പൊട്ടലുണ്ടായതെന്നും സമീപവാസികള്‍ പറയുന്നു.
also read: കളമശ്ശേരി ബോംബ് സ്‌ഫോടനം; ചികിത്സയിലായിരുന്ന 61കാരി മരിച്ചു, മരണസംഖ്യ നാലായി
ഉരുള്‍പൊട്ടലിനെ തുടര്‍ന്ന് ഈ പ്രദേശത്തുണ്ടായിരുന്ന ഏതാനും കുടുംബങ്ങളെ സുരക്ഷിത കേന്ദ്രങ്ങളിലേക്ക് മാറ്റി പാര്‍പ്പിച്ചു. പാറക്കല്ലുകളും മരങ്ങളും ഒഴുകിയെത്തിയതിനെത്തുടര്‍ന്ന് ശാന്തന്‍പാറയില്‍ നിന്നും ദളത്തിലേക്ക് പോകുന്ന റോഡ് തകര്‍ന്നു.
റോഡ് പൂര്‍ണമായും ഇടിഞ്ഞു തകര്‍ന്നു. ദളം ഭാഗത്ത് ഏതാനും വീടുകള്‍ക്ക് കേടുപാടുകള്‍ പറ്റിയിട്ടുണ്ട്. ചതുരംഗപ്പാറയിലും ഉരുള്‍പൊട്ടലുണ്ടായി. എന്നാല്‍ ആളപായമുണ്ടായിട്ടില്ല.