തിരുവനന്തപുരം: ഇന്ന് വിജയദശമി. നിരവധി കുരുന്നുകളാണ് ഇന്ന് അറിവിന്റെ ആദ്യാക്ഷരം കുറിക്കുന്നത്. സംസ്ഥാനത്തെ പ്രധാന ക്ഷേത്രങ്ങളിലും പ്രമുഖ എഴുത്തിനിരുത്ത് കേന്ദ്രങ്ങളിലും വന് തിരക്കാണ് അനുഭവപ്പെടുന്നത്.
കൊല്ലൂര് മൂകാംബിക, ദക്ഷിണ മൂകാംബിക എന്നറിയപ്പെടുന്ന പനച്ചിക്കാട് ദേവീ ക്ഷേത്രം, ചോറ്റാനിക്കര ദേവീക്ഷേത്രം, തിരൂര് തുഞ്ചന് പറമ്പ് തുടങ്ങിയ സ്ഥലങ്ങളിലെല്ലാം എഴുത്തിനിരുത്തലിനോട് അനുബന്ധിച്ച് വിപുലമായ ഒരുക്കങ്ങളാണ് ഏര്പ്പെടുത്തിയിരിക്കുന്നത്.
also read: കനത്ത മഴ, 11 ജില്ലകളില് യെല്ലോ അലര്ട്ട്; മലയോര മേഖലയില് ജാഗ്രത നിര്ദേശം
തുഞ്ചന്പറമ്പില് രാവിലെ 4.30 മുതല് എഴുത്തിനിരുത്തല് ചടങ്ങുകള് ആരംഭിച്ചു. കോട്ടയം പനച്ചിക്കാട് ദക്ഷിണ മൂകാംബി ക്ഷേത്രത്തില് പുലര്ച്ചെ നാലു മണിക്ക് വിദ്യാരംഭ ചടങ്ങുകള് തുടങ്ങി. ചോറ്റാനിക്കര ദേവീക്ഷേത്രത്തിലും വിദ്യാരംഭത്തിനായി പതിനായിരങ്ങളാണ് രാവിലെ തന്നെ എത്തിച്ചേര്ന്നിട്ടുള്ളത്.
വിശ്വാസികള് പുസ്തകങ്ങളും ആയുധങ്ങളും മറ്റും പ്രമുഖ ക്ഷേത്രങ്ങളിലും സാംസ്കാരിക കേന്ദ്രങ്ങളിലും പൂജക്ക് വെച്ചിട്ടുണ്ട്. വിജയദശമി ദിനത്തിലെ സരസ്വതി പൂജയ്ക്ക് ശേഷം പൂജയെടുപ്പ് നടക്കും.
