ചെന്നൈ: അരിക്കൊമ്പന്റെ സഞ്ചാരപാത കണ്ടെത്താനാകുന്നില്ലെന്ന് തമിഴ്നാട് വനംവകുപ്പ്. വ്യാഴാഴ്ച രാത്രി മുതലാണ് ആനയുടെ ശരീരത്തില്‍ ഘടിപ്പിച്ചിരുന്ന റേഡിയോ കോളറില്‍ നിന്നുള്ള സിഗ്നലുകള്‍ നഷ്ടപ്പെട്ടത്.
കോതായാര്‍ വനമേഖലയില്‍ നിന്നാണ് അവസാനമായി സിഗ്നല് ലഭിച്ചത്. ആന ഉള്‍വനത്തില്‍ കയറിയത് കൊണ്ടാവാം സിഗ്നല് ലഭിക്കാത്തതെന്നും നിലവില്‍ അന്‍പതംഗ ഉദ്യോഗസ്ഥ സംഘം കാട്ടില്‍ അന്വേഷണം നടത്തി വരികയാണെന്നുമാണ് വനംവകുപ്പിന്റെ വിശദീകരണം.
അപ്പര്‍ കോതയാര്‍ മുത്തുകുഴി വനമേഖലയില്‍ കഴിഞ്ഞ ചൊവ്വാഴ്ചയാണ് തമിഴ്നാട് വനംവകുപ്പ് അരിക്കൊമ്പനെ തുറന്നു വിട്ടത്. കഴിഞ്ഞ രണ്ടുദിവസമായി കോതയാര്‍ ഡാമിനു സമീപത്തു തന്നെയായിരുന്നു അരിക്കൊമ്പന്‍ ഉണ്ടായിരുന്നത്.
ഇന്നലെ രാത്രി മുതലാണ് ആനയുടെ ശരീരത്തില്‍ ഘടിപ്പിച്ചിരുന്ന റേഡിയോ കോളറില്‍ നിന്നുള്ള സിഗ്നലുകള്‍ ലഭിക്കാതെയായത്. അരിക്കൊമ്പന്‍ ഉള്‍വനത്തിലേക്ക് കയറിയതുകൊണ്ടാവാം സിഗ്നല് നഷ്ടപ്പെട്ടത് എന്നതാണ് വനംവകുപ്പിന്റെ നിഗമനം.
