കണ്ണൂര്: കണ്ണൂരില് വീണ്ടും ആര്എസ്എസ് ആക്രമണം. എഎന് ഷംസീര് എംഎല്എയുടെ വീടിന് നേരെയുണ്ടായ ആക്രമണത്തിന് പിന്നാലെ സിപിഎം മുന് കണ്ണൂര് ജില്ലാ സെക്രട്ടറി പി ശശിയുടെ വീടിനു നേരെയും ബോംബേറ്.
ബൈക്കില് എത്തിയ ആളുകള് ബോംബ് എറിഞ്ഞ ശേഷം കടന്നുകളയുകയായിരുന്നു. അക്രമം നടക്കുന്ന സമയം പി ശശി വീട്ടില് ഉണ്ടായിയുന്നില്ല. കണ്ണൂര് ഇരട്ടിയില് സിപിഎം പ്രവര്ത്തകന് വെട്ടേറ്റതിന് പിന്നാലെയാണ് ശശിയുടെ വീടിന് നേരെയും ആക്രമണമുണ്ടായതെന്നാണ് വ്യക്തമാകുന്നത്. പെരുമ്പറ സ്വദേശി വിശാഖിനാണ് ഇരുട്ടിയില് വെട്ടേറ്റത്.
നേരത്തെ എന് ഷംസീര് എംഎല്എയുടെ വീടിന് നേരെ ബോംബേറ് നടന്നിരുന്നു. ഷംസീറിന്റെ തലശ്ശേരി മാടപ്പീടികയിലെ വീടിന് നേരെയാണ് ബോംബേറുണ്ടായത്.
ആക്രമണ സമയത്ത് ഷംസീര് വീട്ടിലുണ്ടായിരുന്നില്ല. കണ്ണൂറില് ആര്എസ്എസ് വ്യാപക അക്രമം തുടരുകയാണ്. ഇന്നലെ നടന്ന ഹര്ത്താല് മുതല് വ്യാപകമായി തലശേരിയില് സിപിഎം ബിജെപി നേതാക്കളുടെ വീടിന് നേരെ ആക്രമണമുണ്ടായിരുന്നു.