തിരുവനന്തപുരം: കഴിഞ്ഞദിവസം ദേശീയമാധ്യമത്തിലെ ചര്‍ച്ചക്കിയെ വിശ്വാസികളായ സ്ത്രീകള്‍ക്ക് ശബരിമലയില്‍ പ്രവേശിക്കാമെന്ന് രാജ്യസഭാംഗം വി മുരളീധരന്‍ പറഞ്ഞതായി വാര്‍ത്തകള്‍ ഉയര്‍ന്നിരുന്നു. എന്നാല്‍ താന്‍ അങ്ങനെ താന്‍ പറഞ്ഞിട്ടില്ല എന്ന പ്രസാതാവനയുമായാണ് അദ്ദേഹം ഇപ്പോള്‍ രംഗത്തെത്തിയിരിക്കുന്നത്.
താന്‍ പറഞ്ഞതിന്റെ ഒരു ഭാഗം മാത്രം അടര്‍ത്തിയെടുത്ത് മാധ്യമങ്ങള്‍ പ്രസിദ്ധീകരിക്കുകയായിരുന്നെന്നാണ് വി മുരളീധരന്‍ പറഞ്ഞത്. അതേസമയം നക്‌സല്‍ വാദികളും മാവോവാദികളുമായ 2 യുവതികള്‍ മലകയറിയതിനെതിരെയുള്ള പ്രതിഷേധം വഴി തിരിച്ച് വിടാനുള്ള ഗൂഢാലോചന മാത്രമാണ് ഈ പ്രചരണത്തിന് പിന്നില്‍ എന്നും അദ്ദേഹം കൂട്ടിച്ചേര്‍ത്തു.
എന്നാല്‍ ഇക്കാര്യത്തില്‍ മാധ്യമപ്രവര്‍ത്തകര്‍ നിഷ്പക്ഷത പാലിക്കണം, അവര്‍ വ്യക്തിപരമായി സ്ത്രീപ്രവേശനത്തെ എതിര്‍ക്കുന്നവരോ അനുകൂലിക്കുന്നവരോ ആകാം എന്നാല്‍ അത് മാധ്യമപ്രവര്‍ത്തനത്തിന്റെ ഭാഗമായി പ്രകടിപ്പിക്കേണ്ടതല്ല എന്നും അദ്ദേഹം വിമര്‍ശിച്ചു.