പമ്പ: മനിതി സംഘത്തിന്റെ മടക്കത്തിന് പിന്നാലെ മലകയറാനായി രണ്ട് യുവതികള് പമ്പയിലെത്തി. കോഴിക്കോട് കൊയിലാണ്ടി സ്വദേശി ബിന്ദു അമ്മിണി, മലപ്പുറം അങ്ങടിപ്പുറം സ്വദേശി കനകദുര്ഗ എന്നിവരാണ് എത്തിയിരിക്കുന്നത്. പ്രതിഷേധം ഉണ്ടായാലും മലകയറുമെന്ന് ബിന്ദു ഒരു പ്രമുഖ ചാനലിനൊട് പറഞ്ഞു. കൂടാതെ ദര്ശനം നടത്താതെ തിരിച്ച് പോകില്ലെന്നും യുവതികള് കൂട്ടിച്ചേര്ത്തു.
സംരക്ഷണം നല്കേണ്ടത് പോലീസിന്റെ ഉത്തരവാദിത്തമാണെന്നും പോലീസ് സുരക്ഷ ആവശ്യപ്പെട്ടിരുന്നില്ലെന്നും ബിന്ദു പറഞ്ഞു. കൂടാതെ നിയമലംഘകരാണ് പ്രതിഷേധം നടത്തുന്നതെന്നും അവര് കൂട്ടിച്ചേര്ത്തു.42,44 വയസുളള യുവതികളാണ് ഇവര്.
പുലര്ച്ചെ മൂന്നരയോടെ പോലീസിനെ അറിയിക്കാതെ പമ്പയിലെത്തി. യുവതികള് പോലീസ് സംരക്ഷണം ആവശ്യപ്പെട്ടിട്ടില്ലെങ്കിലും യുവതികളായത് കൊണ്ട് സംഘര്ഷ സാധ്യത കണക്കിലെടുത്ത് പോലീസ് സുരക്ഷ നല്കുകയായിരുന്നു. കഴിഞ്ഞ ദിവസം മനിതി സംഘത്തിന്റെ നേതത്വത്തില് ദര്ശനത്തിനായി യുവതികള് എത്തിയിരുന്നു. എന്നാല് പ്രതിഷേധത്തെത്തുടര്ന്ന് പിന്വാങ്ങുകയായിരുന്നു.