തിരുവനന്തപുരം: ശബരിമല കര്മ്മ സമിതി നടത്തുന്ന അയ്യപ്പ ജ്യോതി വിജയിപ്പിക്കാനുള്ള എന്എസ്എസിന്റെ ആഹ്വാനം ആര്എസ്എസിനെ സഹായിക്കാനെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്.
അയ്യപ്പ ജ്യോതി ആര്എസ്എസ് പരിപാടിയെന്ന് പകല് പോലെ വ്യക്തമാണ്. ഇത് വിജയിപ്പിക്കാന് ആഹ്വാനം ചെയ്യുന്നത് എന്എസ്എസിനെ ആര്എസ്എസ് തൊഴുത്തില് കെട്ടാനല്ലാതെ മറ്റെന്തിനാണെന്നും, എന്എസ്എസ് വര്ഗീയ സംഘടനയുടെ ഭാഗമാകരുതെന്നും കോടിയേരി കൂട്ടിച്ചേര്ത്തു. വിമോചന സമരത്തിന്റെ രാഷ്ട്രീയത്തിലേക്ക് എന്എസ്എസിനെ കൊണ്ടെത്തിക്കാനുള്ള നീക്കം വിപത്കരമെന്നും കോടിയേരി പറഞ്ഞു.
അതേസമയം, എന്എസ്എസിനെ ആര്എസ്എസിന്റെ തൊഴുത്തില് കൊട്ടുനുള്ള ശ്രമമാണ് നടക്കുന്നതെന്ന കോടിയേരി ബാലകൃഷ്ണന്റെ പ്രസ്താവനക്ക് മറുപടിയുമായി എന്എസ്എസ് രംഗത്ത് എത്തിയിരുന്നു. മറ്റാരുടേയും തൊഴുത്തില് ഒതുങ്ങുന്നതല്ല എന്എസ്എസ്. അങ്ങനെ വിചാരിക്കുന്നവരുടെ വ്യാമോഹമാണെന്നും ജി സുകുമാരന് നായര് പറഞ്ഞിരുന്നു.