തിരുവനന്തപുരം: ബിജെപി സമരപ്പന്തലിന് മുന്നില് ആത്മഹത്യക്ക് ശ്രമിച്ചയാള് മരിച്ചു. മുട്ടട സ്വദേശി വേണുഗോപാലാന് നായരാണ് മരിച്ചത്. ഇന്ന് പുലര്ച്ചെയാണ് വേണുഗോപാലാന് സെക്രട്ടേറിയറ്റിന് മുന്നില് സ്വയം തീകൊളുത്തിയത്. ഗുരുതരമായി പൊള്ളലേറ്റ നിലയില് തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയായിരുന്നു. ഇയാള്ക്ക് 70 ശതമാനത്തോളം പൊള്ളലേറ്റതായി മെഡിക്കല് കോളേജ് അധികൃതര് അറിയിച്ചിരുന്നു.
ദേഹത്ത് പെട്രോള് ഒഴിച്ച ശേഷം സമരപ്പന്തലിന് സമീപത്തേക്ക് ഓടിയെത്തുകയായിരുന്നു. ഇയാള് പെട്രോള് ദേഹത്ത് ഒഴിക്കുന്നത് കണ്ട് സമരപ്പന്തലിലുള്ളവര് പോലീസിനെ വിളിക്കുന്നതിനിടെ തീ കൊളുത്തി ഇയാള് സമരപ്പന്തലിന് സമീപത്തേക്ക് ഓടുകയായിരുന്നു. ഉടന് പോലീസും മറ്റുള്ളവരും ചേര്ന്ന് തീ കെടുത്തി ഇയാളെ മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാന് ആയില്ല.