കണ്ണൂര്: തദ്ദേശ തെരഞ്ഞെടുപ്പിന് ശേഷം സംസ്ഥാനത്തെ കൊവിഡ് വ്യാപനത്തില് വന് കുതിച്ച് ചാട്ടം ഉണ്ടാകുമെന്ന് ആരോഗ്യമന്ത്രി കെകെ ശൈലജ. എല്ലാവരും സെല്ഫ് ലോക്ക് ഡൗണ് പാലിക്കാന് തയ്യാറാകണം. അത്യാവശ്യത്തിന് അല്ലാതെ പുറത്തിറങ്ങരുത് എന്നും മന്ത്രി വ്യക്തമാക്കി.
രോഗം കൂടിയാല് മരണ നിരക്കും വര്ധിക്കുമെന്ന് മന്ത്രി പറഞ്ഞു. കൊവിഡ് വ്യാപിക്കാന് സാധ്യതയുള്ള സാഹചര്യം മുന് നിര്ത്തി ആശുപത്രികള്ക്കും ആരോഗ്യ പ്രവര്ത്തകര്ക്കും പോലീസിനും നിര്ദ്ദേശം നല്കിയിട്ടുണ്ട്. പ്രായം ചെന്നവരും കുട്ടികളും നിര്ബന്ധമായും വീടുകളില് തന്നെ തുടരണമെന്നും ആരോഗ്യമന്ത്രി ഓര്മ്മിപ്പിച്ചു.
ലോക് ഡൗണ് ഒഴിവാക്കിയപ്പോള് രോഗ നിരക്കില് വലിയ വര്ദ്ധനവ് ഉണ്ടായിരുന്നു. അതില് അധികം ഉള്ള രോഗ വ്യാപനം ഉണ്ടാകുമെന്ന കണക്കുകൂട്ടലിലാണ് മുന്കരുതല് നടപടികള് ഒരുക്കുന്നതെന്നും ആരോഗ്യ മന്ത്രി അറിയിച്ചു.