ഇടുക്കി: വിവാഹ ദിവസം കോതമംഗലം താലൂക്ക് ആശുപത്രിയിലേക്ക് കൊവിഡ് പ്രതിരോധ കിറ്റ് സമ്മാനിച്ച് നവദമ്പതികള്. യൂത്ത് കോണ്ഗ്രസ് ഭാരവാഹിയായ രാഹുല് പലേക്കൂന്നേലും വധു വിനീതയുമാണ് താലൂക്ക് ഹോസ്പിറ്റലില് നേരിട്ടെത്തി കൊറോണ പ്രതിരോധ കിറ്റുകള് സമ്മാനിച്ചത്.
ആതുര സേവകര്ക്ക് മാസ്കും സാനിറ്ററൈസും ഹോസ്പിറ്റല് സൂപ്രണ്ടായ അഞ്ജലിക്ക് കൈമാറുകയും ചെയ്തു. കൊവിഡ് കാലത്ത് മാതൃകാപരമായുള്ള പ്രവര്ത്തനത്തിന് നന്ദിയും വധു വരന്മാര്ക്ക് വിവാഹ ആശംസകളും ഹോസ്പിറ്റല് സുപ്രണ്ട് നേര്ന്നു. കോണ്ഗ്രസ് ബ്ലോക്ക് സെക്രട്ടറി പി പി തങ്കപ്പാന്റെയും രാജിയുടെയും മകനാണ് രാഹുല്.
നവദമ്പതികളുടെ നന്മ മനസിനും നിറകൈയ്യടികളാണ് ലഭിക്കുന്നത്. കൊവിഡ് കാലത്ത് നടന്ന പല വിവാഹങ്ങളും ഇത്തരം നല്ല മുഹൂര്ത്തത്തിന് സാക്ഷ്യം വഹിച്ചിരുന്നു.