തിരുവനന്തപുരം: ഉരുള്പൊട്ടലുണ്ടായ ഇടുക്കി രാജമലയില് രക്ഷാപ്രവര്ത്തനത്തിനായി ദേശീയ ദുരന്തപ്രതിരോധ സേനയെ നിയോഗിച്ചു. മുഖ്യമന്ത്രിയാണ് സംഘത്തെ നിയോഗിച്ചത്. സംഘത്തോട് രാജമലയിലേയ്ക്ക് പോകുവാന് നിര്ദേശിച്ചതായും മുഖ്യമന്ത്രി അറിയിച്ചു.
തൃശൂരില് ഉള്ള ഒരു സംഘം കൂടി ഇടുക്കിയിലെത്തുമെന്നും മുഖ്യമന്ത്രി പറഞ്ഞു. രക്ഷാ പ്രവര്ത്തനം ഊര്ജിതമാക്കാന് പോലീസ്, ഫയര്ഫോഴ്സ്, ഫോറസ്റ്റ്, റവന്യൂ അധികൃതര്ക്കും നിര്ദേശം നല്കിയെന്നും അദ്ദേഹം കൂട്ടിച്ചേര്ത്തു.