കോഴിക്കോട്: കോഴിക്കോട് കാരശേരിയില് എച്ച്1 എന്1 വൈറസെന്ന് സ്ഥിരീകരിച്ചതോടെ ആരോഗ്യ വകുപ്പ് സ്കൂളിലും മറ്റ് ഏഴ് കേന്ദ്രങ്ങളിലുമായി മെഡിക്കല് ക്യാമ്പ് സംഘടിപ്പിച്ചു. കോഴിക്കോട് മെഡിക്കല് കോളേജില് നിന്നുളള ഡോക്ടര്മാരാണ് ക്യാമ്പിന് നേതൃത്വം നല്കുന്നത്.
ഇരുന്നൂറിലേറെ പേര് സമാന രോഗലക്ഷണങ്ങളുമായി ചികിത്സയിലാണ്. കാറ്റഗറി എയിലുളള എച്ച്1എന്1 ആണെന്നും ആശങ്കപ്പെടേണ്ട സാഹചര്യമില്ലെന്നും ജില്ലാ മെഡിക്കല് ഓഫീസര് അറിയിച്ചു.
ഉച്ചവരെ വിവിധ ക്യാമ്പുകളിലായി പനി ലക്ഷണങ്ങളുമായി നൂറുകണക്കിനാളുകള് ചികിത്സ തേടിയെത്തി. ക്യാമ്പിലെത്താന് കഴിയത്തവര്ക്ക് വീടുകളിലെത്തി ചികിത്സ നല്കാനും തീരുമാനിച്ചിട്ടുണ്ട്. എച്ച്1 എന്1 സ്ഥിരീകരിച്ച സാഹചര്യത്തില് കാരശേരി പഞ്ചായത്തിലെ മതപഠന കേന്ദ്രങ്ങളടക്കം എല്ലാ വിദ്യഭ്യാസ സ്ഥാപനങ്ങള്ക്കും തിങ്കളാഴ്ച വരെ ജില്ലാ വിദ്യാഭ്യാസ ഓഫീസര് അവധി നല്കി.