കാനനപാതയില്‍ അയ്യപ്പഭക്തരെ വനംവകുപ്പ് ഉദ്യോഗസ്ഥര്‍ തടഞ്ഞു

കോട്ടയം: കാനനപാത വഴി ശബരിമലയിലേക്കു പോകാന്‍ എത്തിയ അയ്യപ്പഭക്തരെ തടഞ്ഞതായി പരാതി. വനംവകുപ്പ് ഉദ്യോഗസ്ഥരാണ് തീര്‍ത്ഥാടകരെ അഴുതയില്‍ തടഞ്ഞത്. 30 ല്‍ ഏറെ അയ്യപ്പന്മാരെയാണു തടഞ്ഞിരിക്കുന്നത്. വനത്തിന് അകത്ത് ഭക്ഷണ സൗകര്യങ്ങള്‍ ഇല്ലാത്തതാണു തടയാന്‍ കാരണമെന്നു വനംവകുപ്പു വ്യക്തമാക്കുന്നു. അതേസമയം ഇവര്‍ക്കു ഭക്ഷണം കൊടുക്കാന്‍ ബിജെപി പ്രവര്‍ത്തകര്‍ അവിടേയ്ക്കു പോകുന്നതായും റിപ്പോര്‍ട്ടുണ്ട്.