ന്യൂഡല്‍ഹി: എഐസിസി ജനറല്‍ സെക്രട്ടറി പ്രിയങ്കാ ഗാന്ധിയുടെ ഭര്‍ത്താവ് റോബര്‍ട്ട് വദ്രയുടെ ട്വീറ്റ് വിവാദത്തിലേക്ക്. തെരഞ്ഞെടുപ്പിന്റെ ആറാം ഘട്ടത്തില്‍ വോട്ടെടുപ്പിന് ശേഷം അദ്ദേഹം ട്വിറ്ററില്‍ പോസ്റ്റ് ചെയ്ത ഫോട്ടോ ആണ് വിവാദത്തിലേക്ക് വഴിവെച്ചത്. വോട്ടു ചെയ്ത വിരല്‍ ഉയര്‍ത്തിപ്പിടിച്ച് ഒരു ഫോട്ടോ പോസ്റ്റുചെയ്യാന്‍ ട്വിറ്ററില്‍ എത്തി. അതോടൊപ്പം ഒരു പ്രചോദന സന്ദേശവും ത്രിവര്‍ണ്ണ പതാകയും ഒരു ഇമോജിയും ഉണ്ടായിരുന്നു.
എന്നാല്‍ ത്രിവര്‍ണ്ണ പതാക ഇന്ത്യയുടേതല്ല, പരാഗ്വേയുടെ പതാക ആയിരുന്നു. ഇതോടെ ട്വിറ്ററില്‍ വിമര്‍ശനങ്ങളും ട്രോളുകളും ഇറങ്ങി. വാദ്രയ്ക്ക് ഇന്ത്യന്‍ പൗരനായി ജീവിക്കാന്‍ താല്പര്യമില്ലെന്ന വിമര്‍ശനങ്ങളാണ് കൂടുതലും ഉയര്‍ന്നത്. ഇതോടെ ഫോട്ടോ മാറ്റി വാദ്രയുടെ വിശദീകരണവും എത്തി. തന്റെ നെഞ്ചിലാണ് ഇന്ത്യന്‍ പതാകയുടെ സ്ഥാനമെന്നും അത് ഒരു അബദ്ധമായിരുന്നു എന്നും വാദ്ര പറഞ്ഞു.
India lives in my heart & I salute Tiranga.Using a Paraguay flag in my post was just an aberration.I very well know tht”You all know it was posted by mistake" but u decided to”play up my mistake”,whn thr r such glaring issues to be discussed. It saddens me, but never mind! 😊👍 pic.twitter.com/ZPDva2eWSW
— Robert Vadra (@irobertvadra) May 12, 2019