സിബിഎസ്‌സി പന്ത്രണ്ടാം ക്ലാസ് ഫലം പ്രഖ്യാപിച്ചു; ഇത്തവണയും പെണ്‍കുട്ടികള്‍ തന്നെ മുന്നില്‍

ന്യൂഡല്‍ഹി: സിബിഎസ്‌സിയുടെ പന്ത്രണ്ടാം ക്ലാസ് പരീക്ഷയുടെ ഫലം പ്രഖ്യാപിച്ചു. cbseresults.nic.in എന്ന വെബ്‌സൈറ്റിലാണ് ഫലം പ്രസിദ്ധീകരിച്ചത്. കേരളത്തില്‍ തിരുവനന്തപുരം മേഖലയാണ് വിജയശതമാനത്തില്‍ മുമ്പില്‍. 98.2 ശതമാനം ആണ് തിരുവനന്തപുരം മേഖലയുടെ വിജയശതമാനം. ചെന്നൈ മേഖലയുടെ വിജയശതമാനം 92.93 % ആണ് .

ഇത്തവണയും വിജയ ശതമാനത്തില്‍ പെണ്‍കുട്ടികളാണ് മുമ്പില്‍. 88.7 ശതമാനമാണ് പെണ്‍കുട്ടികളുടെ വിജയ ശതമാനം. ആണ്‍കുട്ടികളുടേത് 79.4 ആണ്. ഡല്‍ഹി മേഖലയുടെ വിജയശതമാനം 91.87 % ആണ്. പന്ത്രണ്ടാം ക്ലാസ് പരീക്ഷയില്‍ ഹന്‍സിക ശുക്ലയും കരിഷ്മ അറോറയുമാണ് ഏറ്റവും ഉയര്‍ന്ന മാര്‍ക്ക് നേടിയത്. 499 മാര്‍ക്ക് ഇരുവരും നേടിയത്.